काठमाडौँ । गएको २४ घण्टामा काठमाडौँ उपत्यकामा मात्र झण्डै हजार जनामा कोरोना भाइरस (कोभिड १९) पुष्टि भएको छ । देशभर दुई हजार ५४८ जनामा संक्रमण देखिँदा काठमाडौँ उपत्यकामा मात्र ९५१ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

उपत्यकाका तीन जिल्ला काठमाडौँ, भक्तपुर, ललितपुरमा गरिएको परीक्षणबाट उक्त संख्यामा कोराना पुष्टि भएको हो ।

थपिएका संक्रमितमध्ये सबैभन्दा धेरै ७४० जना काठमाडौँमा छन् । यस्तै, भक्तपुरमा ५६ र ललितपुरमा १५५ जनामा कोरोना पुष्टि भएको मन्त्रालयले जनाएको छ ।