काठमाडौँ । सरकारले भूमिसम्बन्धी समस्या समाधान आयोग खारेज गरेसँगै सर्वोच्च अदालतमा परेको रिटविरुद्ध सुनुवाई हुने भएको छ । विघटित आयोगका अध्यक्ष देवी ज्ञवालीसहितले सर्वोच्च अदालतमा दायर गरेको रिटमाथि आज सुनुवाई हुने भएको हो ।

उक्त मुद्दा न्यायाधीश ईश्वर खतिवडाको इजलासमा पेसी तोकिएको छ । सो मुद्दाका लागि ज्ञवालीसहित अधिवक्ता प्रवेश केसीलगायतको रिटसमेत एकै ठाउँमा राखेर सुनुवाई हुने भएको छ ।

ज्ञवालीले आइतबार रिट दर्ता गराएका थिए । अधिवक्ता केसीले सोही विषयमा शुक्रबार रिट दर्ता गराएका थिए ।