काठमाडौँ । कोरोना भाइरस (कोभिड–१९) महामारीमा शक्तिशाली रुपमा देखा परेको ‘इन्डियन कोभिड भेरिएन्ट’को संक्रमण बेलायतमा पछिल्ला हप्तामा तीव्र गतिमा बढ्न थालेको छ ।

बेलायती अधिकारीले दिएको जानकारीअनुसार पाँच महिनापछि सबैभन्दा धेरै नागरिकको कोभिडका कारण निधन भएको छ । पछिल्लो २४ घण्टामा १४६ जनाको संक्रमणबाट निधन भएको छ । यो संख्या गएको मार्चको १२ तारिखपछि सबैभन्दा धेरै हो ।

उता अधिकारीले गत हप्ताको तुलनामा यसको संक्रमण दुई गुणाले बढेको तथ्यांकले देखाएको बताएका छन् । बेलायती स्वास्थ्य मन्त्रालयले मंगलबार मात्रै २४ घण्टामा १४६ जनाको कोरोनाका कारण ज्यान गएको बताएको छ ।

योसमेत गरी बेलायतमा अहिलेसम्म कोरोनाबाट एक लाख ३० हजारभन्दा बढीको ज्यान गएको छ । यस्तै, २४ घण्टामा २३ हजारभन्दा बढीमा कोरोनाको संक्रमण देखिएको छ ।

योसहित अहिलेसम्म ६१ लाखभन्दा बढी संक्रमित भएका छन् । बेलायत सरकारले कोरोनाविरुद्धको खोप कार्यक्रमलाई प्राथमिकतामा राख्दै आएको छ ।