काठमाडौं । मास्कको प्रयोग राम्रोसँग नजाँन्दा मानिसहरु संक्रमित हुने गरेको चिकित्सकहरुले बताएका छन् ।

स्वास्थ्य तथा जनसंख्या मन्त्रालयले मास्कको प्रयोगमा ध्यान दिन आग्रह गरेको छ ।

मन्त्रालयका अनुसार मास्क खोल्नु अघि साबुन पानीले हात धुने वा बिचको भाग सकेसम्म नछुने,मास्क खोल्दा छेउको डोरी समातेर खोल्ने र बिचको भाग सकेसम्म नछुने,खोलिसकेपछि मास्कलाई प्लाष्टिकको झोलामा सजिलै खोल्न नमिल्ने गरी बाधेर राख्ने र संक्रमित व्यक्तिले लगाएको वा संक्रमित व्यक्तिसँग सम्र्पकमा आउँदा लगाइएको मास्कलाई दुई तहको झोलामा राख्नुपर्ने जनाएको छ ।

मास्क राखेको झोलाको मसख बन्द गर्ने र त्यस झोलालाई सामान्य घरेलु फोहोरसँगै राखी विर्सजन गर्ने र बिसर्जन गरी सकेपछि फेरी साबुन पानीले हात धुन चिकित्सकहरुको आग्रह छ ।