काठमाडौँ । नेकपा एमालेका अध्यक्ष केपी शर्मा ओलीले माधव नेपालसँग भेट्न चाहेर पनि नसकेको बताएका छन् । न्युज एजेन्सी नेपालसँगको कुराकानीमा उनले नेता नेपालसँग दुई वर्षदेखि भेट नभएको बताएका हुन् ।

अध्यक्ष ओलीले आफूहरूबीच दुई वर्षदेखि भेट नभएको बताएका हुन् । ‘माधव नेपालसँग भेट नभएको दुई वर्ष भयो, म प्रधानमन्त्री हुँदा भेट्न आउनु भन्दा भेट्दिन भन्नु भयो,’ उनले भने, ‘बरु मैले बेलाबेलामा फोन गरेको थिएँ, भेटेको थिएँ, उहाँले भनेको ठाउँमा पुगेर भेटेको थिएँ ।’

यस्तै, उनले माधव नेपालले मात्रै चाहेर नेकपा एमाले फुटेको नभई कसैले फुटाइदिएको बताए । उनले दुई धार एक ठाउँमा भएर पार्टी फुटाएको बताए ।