काठमाडौं । काठमाडौंमा कक्षा ११ र १२ का विद्यार्थीलाई कोरोना भाइरस कोभिड–१९ विरुद्धको खोप दिइने भएको छ । शुक्रबारदेखि कक्षा ११ र १२ का विद्यार्थी कोभिड–१९ विरुद्धको भेरोसेल खोपको पहिलो डोज दिइने बताइउको छ ।

स्वास्थ्य कार्यालय काठमाडौंका अनुसार १८ वर्षमाथिका प्लस टु अध्ययनरत र विश्व विद्यालय तहको परीक्षाको प्रवेश पत्र लिएका विद्यार्थीहरुलाई खोप दिइने छ ।

यस्तै शुक्रबारदेखि नै काठमाडौंमा ४० वर्षमाथिका नागरिकलाई पनि खोप दिइने भएको छ । ४० वर्षमाथिका नागरिकलाई पनि भेरोसेल खोपको पहिलो डोज दिइन लागेको हो । खोप अभियान खुई दिनसम्म सञ्चालन हुने छ ।

खोप केन्द्रहरु :

• सशस्त्र प्रहरी अस्पताल, बलम्बु
• वीरेन्द्र सैनिक अस्पताल, छाउनी
• राधास्वामी आइसोलेसन सेन्टर, सामाखुसी
• नेपाल प्रहरी अस्पताल, महाराजगञ्ज
• वीर अस्पताल, रत्नपार्क
• निजामति कर्मचारी अस्पताल, वानेश्वर
• परोपकार प्रसूती गृह तथा स्त्रीरोग अस्पताल, थापाथली
• शिक्षण अस्पताल, महाराजगञ्ज
• काठमाडौं महानगरपालिकाका ३२ वटा वडाहरु र आवश्यकता अनुसार पालिकाले तोकेको थप खोप केन्द्र
• अन्य नगरपालिकाको हकमा सोही पालिकाले तोकेको खोप केन्द्र