काठमाडौँ । नेता माधव कुमार नेपालले आफ्नो पार्टीमा नेकपा एमालेका अध्यक्ष केपी शर्मा ओलीका लागि ढोका खुला रहने बताएका छन् । प्रस्तावित नेकपा (एकीकृत समाजवादी)का अध्यक्ष नेपालले एमाले अध्यक्ष ओलीले विचार र धारण परिवर्तन गरे आफ्नो पार्टीको ढोका खुला रहेने बताएका हुन् ।

चन्द्रागिरि रिसोर्टमा बसेको केन्द्रीय समिति बैठकपछि सञ्चारकर्मीसँग कुरा गर्दै अध्यक्ष नेपालले ओलीको बुद्धि सुध्रिएर विचार र धारणा परिवर्तन भए ढोका खुला हुने प्रतिक्रिया दिएका हुन् ।

‘केपी ओलीले विचार र धारणा परिवर्तन गर्छन् भने उनलाई हाम्रो पार्टीको ढोका खुला छ’, नेता नेपालले भने । उनले आफूलाई ओलीले घर न घाटको बनाउने षड्यन्त्र जारी राखे पनि असफल हुने दाबी गरे ।