काठमाडौँ । जनता समाजवादी पार्टी (जसपा) विभाजन भई बनेको लोकतान्त्रिक समाजवादी पार्टीको पक्षमा १४ जना संघीय सांसद पुगेका छन् । प्रतिनिधिसभाका १३ जना र राष्ट्रियसभाका एक जनाले नव गठित पार्टीका अध्यक्ष महन्थ ठाकुरलाई साथ दिएका हुन् ।

यसैगरि, जसपाका १७ जना कार्यकारिणी समिति सदस्यले निर्वाचन आयोगमा उपस्थित भएको एक नेताले जानकारी दिए । जसपाका ५१ कार्यकारिणी सदस्यमध्ये यसअघि आयोगमा सनाखत हुँदा १६ जनाले ठाकुरलाई साथ दिएका थिए ।

पार्टी विभाजनका लागि ठाकुर पक्षले केन्द्रीय समिति र संसदीय दल दुवैमा २० प्रतिशत मत पुर्याएको छ ।