काठमाडौँ । नेकपा माओवादी केन्द्रको भातृ संगठन वाइसिएल नेपालको राष्ट्रिय भेला यही १२ र १३ गते भर्चुअल माध्यमबाट सम्पन्न हुने भएको छ । ६४७ प्रतिनिधिको सहभागितामा भेला सम्पन्न गर्न लागेको हो ।

वाइसिएल अध्यक्षमा दुई जनाको प्रतिस्पर्धा हुने भएका छन् । महासचिव सुवोधराज सेर्पाली र उपध्यक्ष सुमन देवकोटाले अध्यक्षमा दाबी पेश गरेका हुन् । यस्तै, उपाध्यक्षहरु यशोदा न्यौपाने र सुरज सिंहले समेत अध्यक्षमा दाबी गरेका छन् ।

अध्यक्षमा दाबी पेश गरेका सेर्पाली पूर्व रूकुमका हुन् भने देवकोटा चितवनका हुन् । वाइसिएलमा उमेर हदका कारण यस भेलाबाट धेरै नेताहरूको विदाई हुने भएका छन् ।

१४ वर्षको उमेरदेखि माओवादी जनयुद्धमा हिँडेका सेर्पालीले आफू अध्यक्ष बन्ने विश्वास गरे । यस्तै, उनका दाबेदार देवकोटाले आफूलाई अध्यक्ष बनाउनु पर्ने भन्दै लबिङ गर्दै आएका छन् ।