काठमाडौं । जनवादी गायक जेबी टुहुरे (जुठबहादुर खड्गी)को पार्थिव शरीर श्रद्धाञ्जलीका लागि माओवादीको पार्टी केन्द्रीय कार्यालय पेरिसडाँडामा राखिएको छ ।
मंगलबार कलंकीस्थित आफ्नै निवासमा लडेका उनलाई उपचारका लागि बल्खुस्थित बयोधा अस्पताल पुर्याइएको थियो । बयोधामा उपचारका क्रममा टुहुरेको आज दिउँसो निधन भएको हो । ७८ वर्षिय गायक टुहुरेलाई मुटु, फोक्सो, मधुमेह र उच्च रक्तचापको समस्या थियो । उनले दर्जनौं जनवनदी गीत गाएका छन् । उनको ‘आमा दिदीबहिनी हो, कति बस्छौ दासी भई।।।’ बोलको गीत लोकप्रिय छ । उनको आजै पशुपति आर्यघाटमा अन्त्येष्टि गरिनेछ ।