काठमाडौं । पछिल्लो २४ घण्टामा देशभर २४३३ जनामा कोरोनाभाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४ हजार ३७४ जनामा गरिएको परीक्षणमा २,४३३ जनामा कोरोना पुष्टि भएको छ ।

सोही अवधिमा १९२९ जना कोरोना संक्रमणमुक्त भएका छन् । भने २६ जनाको मृत्यु भएको छ । हाल देशभर ३८ हजार ३८४ जना सक्रिय संक्रमित रहेका छन् ।

हालसम्म कोरोना संक्रमितको कुल संख्या पीसीआर विधिबाट ७ लाख ५४ हजार ९१५ र एन्टिजेन विधिबाट ८१ हजार ९६८ जना पुगेको छ ।

यस्तै संक्रमितमध्ये ७ लाख ५ हजार ८९३ जना निको भएका छन् । देशभर कोरोना संक्रमणबाट १० हजार ६३८ जनाको मृत्यु भएको छ ।