काठमाडौं । नेपाली कांग्रेसको संस्थापन इतर पक्षको बैठक काठमाडौंको ठमेलस्थित नेता प्रकाशमानसिंहको निवासमा सुरु भएको छ ।

बैठकमा जिल्ला सभापतिहरुले ललितपुरको सानेपास्थित पार्टी मुख्यालयमा जारी राखेको रिलेअनसन, आसन्न १४ औं महाधिवेशन, क्रियाशील सदस्यता लगायत विषयमा छलफल हुने बताइएको छ ।

पछिल्लो समय वरिष्ठ नेता रमचन्द्र पौडेल पक्षले महाधिवेशन केन्द्रीत छलफललाई तिब्रता दिएको छ । सभापतिका आकांक्षी धेरै भएपछि उक्त विषय मिलाउन पनि संस्थापन इतर पक्ष छलफलमा जुटेको हो ।

सभापति शेरबहादुर देउवालाई पराजित गर्न पनि इतर पक्षबाट एकल उम्मेवारी उपयुक्त हुने भन्दै इतर पक्ष छलफलमा जुटेको हो ।