काठमाडौं । माधव कुमार नेपाल नेतृत्वको नेकपा एकिकृत समाजवादी पार्टीको संसदीय दलको पहिलो बैठक आज बस्दै छ ।

नयाँ बानेश्वरस्थित संघीय संद भवनमा विहान ११ बजे बस्ने बैठकमा दलकोनेता चयन लगायत विषयमा छलफल हुने बताइएको छ ।

निर्वाचन आयोगबाट राष्ट्रिय दलको मान्यता प्राप्त भएपछि बस्ने लागेको आजको बैठकले दलको विधान बनाउने, त्यही विधानको आधारमा दलको नेता चयन गर्ने लगायत विषयमा छलफल हुने नेता विरोध खतिवडाले जानकारी दिए ।

नेकपा एमालेबाट छुट्टिएर नेकपा एकिकृत समाजवादी पार्टी दर्ताको निवेदन दिएका नेता नेपाल समूहलाई आयोगले गत बुधबार दल दर्ताको प्रमाणपत्र दिएको थियो । नेकपा एकिकृत समाजवादी पार्टीमा ३० सांसद छन् ।