काठमाडौँ । नव गठित नेकपा (एकीकृत समाजवादी)को संसदीय दलको बैठक सुरु भएको छ । संघीय संसद भवन नयाँ बानेश्वरको ल्होत्से हलमा बैठक सुरु भएको हो ।

गत ९ गते बुधबार निर्वाचन आयोगमा नयाँ दल दर्ता गराएसँगै नेकपा एकीकृत समाजवादीको संसदीय दलको पहिलो बैठक बसेको हो ।

बैठकले संसदीय दलको नेता, प्रमुख सचेतक र सचेतक चयन गर्ने कार्यक्रम रहेको छ । उक्त पार्टीमा प्रतिनिधिसभामा २३ र राष्ट्रियसभामा सात जना सांसद रहेका छन् ।