काठमाडौं । मन्त्रिपरिषद् विस्तारमा विलम्व गदै आईरहेका सत्तारुढ गठबन्धन दलका नेताहरु फेरि छलफलमा जुटेका छन् । विहान झण्डै दुई घण्टा प्रधानमन्त्रीको सरकारी निवास बालुवाटारमा छलफल गरेका प्रधानमन्त्री शेरवहादुर देउवा, माओवादी केन्द्रका अध्यक्ष पुष्पकमल दाहाल (प्रचण्ड) र नेकपा एकीकृत समाजवादीका अध्यक्ष माधव नेपाल वीच फेरि पनि वालुवाटारमा भेटवार्ता शुरु भएको हो ।

छलफलमा सत्ता गठबन्धन दलमै रहेका जसपाका अध्यक्ष उपेन्द्र यादव भने सहभागी छैनन । उनी उपत्यका वाहिर रहेका कारण विहानको छलफलमा पनि सहभागी थिएनन ।

देउवा, प्रचण्ड र माधव नेपालको वीचमा भने केही वेर अगाडीबाट मात्र फेरि छलफल शुरु भएको हो । कुरा मिलेमा भोलिसाँझ समम नभए पर्सिसम्म मन्त्रिपरिषद् विस्तारको तयारी सत्ता गठवन्धन दलका नेताहरुले गरेका छन् ।