काठमाडौं । रसुवा जिल्लाका प्रमुख जिल्ला अधिकारी (प्रजिअ) ईश्वरी प्रसाद ढकाल नागरीक समाज रसुवाद्वारा सम्मानित भएका छन् ।

जनैपुर्णिमाको अवसरमा गोसाइँकुण्ड आउँदा जाँदा लेक लागेर गम्भिर अवस्थामा पुगेका चार यात्रुलाई द्रुतरुपमा उद्धार एवमं उपचारको प्रबन्ध मिलाई स्थानीय प्रशासकको हैसियतबाट मानवीय सेवा, जिल्लाका समग्र सुरक्षा व्यवस्था, वर्षायामकाे सडक संचालन लगायतका कार्यमा प्रजिअ ढकालले उत्कृष्ट समन्वय गरेकाे नागरीक समाजले जनाएकाे छ । प्रजिअ ढकालकाे योगदानलाई कदर गर्दै उनलाई नागरीक समाजले सम्मानपत्र प्रदान गरेको हो ।