कोरोना आयो,
सबैतिर महामारी छायो
न त पिसिआर जचाँए
त्यसैले म गणना भईन

मध्यम वर्गिय परियो
कतै राहत लिन गईन
कसैले तस्बिर खिचेन
त्यसैले म गणना भईन

कर्मचारी हुन्थे त
भ्रमण भत्ता बाँड्दा गनिन्थे होला
कार्यकर्ता हुन्थे त
योजना बाडफाड र नियुक्तिमा
गनिन्थे होला
मध्यम वर्गिय जनता म
त्यसैले म गणना भईन

सरकार पिसीआर पोजेटिभ र
मृत्यु संख्या गणना गर्दैमा व्यस्त
न त पिसिआर पोजेटिभ
न त मृत्यु
त्यसैले म गणना भईन

२०६८ सालको जनगणनामा गनिएको म
त्यसपछि सरकारले
मेरो भोट गन्यो
आफ्नो पक्षका सांसद गन्यो
बहुमत र अल्पमतको संख्या गन्यो
सत्ता टिकाउने दिन गन्यो
तर मध्यम वर्गिय जनता
म !
कहिल्यै गणना भईन ।।