नेपाली कांग्रेसलाई बारम्बार नेपाली जनताले मतदान दिएका छन् । नेपाली कांग्रेसकै नेतृत्वमा अहिलेको संविधान जारी भएको हो । नेपाली कांग्रेसको नेतृत्वमा २०६२–०६३ को जनआन्दोलन भएको छ । मुलुकमा शान्तिवार्ता पनि कांग्रेसकै नेतृत्वमा भएको छ । तराईमा भएका विभिन्न आन्दोलन कांग्रेसकै नेतृत्वमा भएको थियो । कांग्रेसले नितिमा परिवर्तन गरेपनि सोचमा परिर्वतन गर्न सकेन । २०७८ सालमा आउँदा पनि २०४८ सालमा रहेका व्यक्ति पार्टीको केन्द्रिय नेतृृत्वमा नै रहेका छन् ।

३० वर्षको हाराहारीमा उही व्यक्ति, उही सोच भएका नेता पार्टी नेतृत्वमा छन् । ६० वर्षभन्दा तलका उमेर समुहका क्रियाशील सदस्य पार्टीभित्र ८० प्रतिशतको हाराहारीमा छन् । अहिले सभापतिको दाबेदार हेर्दा अधिकाशं ६० वर्षभन्दा माथिका छन् । २०१२ सालमा ४० वर्षको उमेरमा सुर्वण शमशेर पार्टी सभापति भएका थिए । ४० वर्षका गणेशमान सिंहले सुुर्वण शमशेरसँग प्रतिस्पर्धा गरेका थिए । ४६ वर्षका उमेरमा विपि कोइराला प्रधानमन्त्री भएका थिए । त्यो बेलाको समयमा ५० वर्षभन्दा मुनिकै देशका प्रधानमन्त्री भएका थिए । वर्तमान पार्टी सभापति शेरबहादुर देउवा ५२ वर्षको उमेरमा पहिलो पटक प्रधानमन्त्री भएका थिए ।

कृष्ण प्रसाद भट्टराई ३७ वर्षको उमेरमा पार्टीको कार्यवाहक सभापति भएका थिए । २०१६ सालमा कृष्ण प्रसाद भट्टराई २७ वर्षको उमेरमा सभामुख भएका थिए । पहिला युवाले नेतृत्व गरेको नेपाली कांग्रेस पार्टी अहिले युवाहरु पार्टीको नेतृत्व गर्न किन अहिले डराएका छन् ?किन हामीअ झै पनि वुढाहरुलाई पार्टी नेतृत्व पुराउनका लागि काँध थापिरहने ?

किन कांग्रेसमा युवाहरु नेतृत्वमा आउँदैन् ? के नेपाली कांग्रेसमा युवा सक्षम छैनन् र ? मलाई मनमा एकदमै खड्कियो । त्यसपछि म जिल्ला –जिल्ला, गाउँ–गाउँमा गए । गाउँ–गाउँमा शहिद परिवारका मानिसहरुसँग भेट भयो । जेल जीवन विताएका मानिसहरुसँग भेट भयो । पार्टीका शुभचिन्तकहरुसँग भेट गरे । विश्वभर रहेका पार्टीका शुभचिन्तक साथीहरुसँग सामाजिक सञ्जालमार्फत कुरा गरे । मलाई सबैतिरबाट हैन अब पार्टी नयाँ पुस्ताले नेतृत्व गर्नुपर्छ । आवाज सबैतिरबाट आयो ।

त्यसपछि पार्टीका साथीहरुसँग सल्लाह गरे । सल्लाह पछि म एउटा निर्णयमा पुगे । अव पार्टी सभापति युवा उठ्नुपर्छ । त्यसपछि नै पार्टीको १४ औँ महाधिवेशनको केन्द्रिय सभापतिको उम्मेदारी दिने औपचारिक घोषण गरेको हो । अहिले ६० वर्षभन्दा मुनिको केन्द्रिय सभापतिको उम्मेदवार म मात्र हुँ । अब नेपाली कांग्रेसको नेतृत्व गर्न नयाँ पुस्ता सक्षम छ । देशको नेतृत्व गर्न पनि नयाँ पुस्ता योग्य छ ।

नेपाली कांग्रेसको सभापति भएपछि मैले सबै समुदायलाई समेटेर लैजान्छु । नेपाली कांग्रेसभित्र अहिले कोही अवसर पाएको पाएै छ भने कोही पुस्तौँ पुस्तादेखि लागेकाहरुले पनि अवसर पाएका छैनन् । म सभापति भएपछि नेपाली कांग्रेसमा सवैको अपनत्व हुने र सवैले अवसर पाउने गरी पार्टी हाक्ने छु ।

कांग्रेसको विधानमा मात्र हैन् कि संविधानमा समानुपातिक सासंद हुने व्यक्ति एक पटक मात्र हुन पाउँनुपर्छ भनेर पार्टी सभापति भएपछि पहल गर्छु । अर्को संविधानमा तीन पटक मन्त्री र २ पटक मात्र प्रधानमन्त्री हुने व्यवस्थाका लागि कांग्रेस सभापति भएपछि म पहल गर्छु । अन्य युवा साथीहरुले पनि केन्द्रिय सभापतिमा उम्मेदवारी दिनु भए म खुसी हुन्छु । ।हामी जति युवा साथीहरु छौं, अहिले २२ जना केन्द्रिय सदस्यहरुले केन्द्रिय सभापतिमा उम्मेदारी नदिने, तर पदाधिकारीमा उम्मेदारी दिनु भन्नु भएको छ । म केन्द्रिय सभापति भएमा कांग्रेसको वडा कार्य सभापति देखि केन्द्रिय कार्यसमितिको सभापतिसम्म एक व्यक्ति एक पद दुई पटक मात्र हुन पाउँने कांग्रेसको विधानमा व्यवस्था गर्छु ।

पार्टीभित्र जुनप्रकारको गुटबन्दी छ । जुन किसिमको भागबन्डा छ । म सभापति भएपछि सबै गुटबन्दीलाई समाप्त पार्छु । विधान अनुसार पार्टीलाई सञ्चालन गर्छु । पार्टीका भातृ र सुभेच्छुक संस्थाको अधिवेशन नियमितरुपमा हुने प्रवन्ध गर्छु । कांग्रेसभित्र जहिल्लै एउटै अनुहार देखिन्छ । नयाँ अनुहारहरुले कहिले अवसर पाउँने त ? एक व्यक्ति एक पदमा दुई पटक हुन नपाउँने म सभापति भएमा व्यस्था गर्छु ।

म लामो समय राजनिति गर्ने मानिस हो । केन्द्रिय सभापति भएमा यदि कांग्रेसको सरकार भएमा ६ महिनाभित्र देशमा भ्रष्टचार शुन्य देश बनाउँछु । यो मेरो बाचा हो । भ्रष्टचारविरुद्ध कडाभन्दा कडा कानुन बनाउँछु । अहिले नेपालमा स्वास्थ्य सेवा र शिक्षा निकै महंगो भएर गएको छ । म कांग्रेस सभापति भएमा र कांग्रेसको सरकार भएमा पहिलो प्राथमिकता शिक्षा र स्वास्थ्या हुनेछ । निशुल्क शिक्षा र निजि अस्पतालहरुलाई राष्ट्रियकरण गर्छु । महिलाहरु सुत्केरी हुदाँ रक्तश्राब भएर मृत्यु भइरहेका छन् । ६,७४३ वडामा बर्थिङ् सेन्टरको व्यवस्था गर्छु ।

(सभापति उम्मेदवारी घोषणा गदै गुरुङले पत्रकार सम्मेलनमा ब्यक्त गरेको भनाईको सम्पादित अंश)