काठमाडौं । नेपाली कांग्रेसका नेता डा. शेखर कोइरालाले वडा अधिवेशन सुरु हुँदै गर्दा कार्यकर्तामा अपिल गरेका छन् ।

उनले अधिवेशनलाई जित र हारभन्दा आन्तरिक लोकतन्त्रको अभ्यासमा केन्द्रित गर्न आग्रह गर्दै गुट र गिरोहबाट पार्टीलाई मुक्ति दिन पनि अपिल गरेका छन् ।

“कांग्रेसको १४औँ महाधिवेशन उत्सवको रूपमा मात्र हाम्रोसामु आएको छैन, महाधिवेशनले हामी लोकतन्त्रवादीहरूलाई जिम्मेवार र विवेकपूर्ण रूपमा अन्तरआत्माको आवाज सुन्न पनि घच्घच्याइरहेको छ,” कोइरालाले शुक्रबार भनेका छन्, “महाधिवेशनसँगै नेपाली कांग्रेसले नयाँ विचार, नयाँ नेतृत्व र नयाँ सांगठनिक ढाँचा निर्माण गर्नुपरेको छ ।”