काठमाडौँ । नेकपा एमालेबाट निर्वाचित वागमती प्रदेशसभा सदस्य मीना नेपाल ज्ञवालीले नेकपा एकीकृत समाजवादी (एस) रोजेकी छन् । उनले आज हेटौँडास्थित निर्वाचन आयोगको कार्यालयमा पुगेर नेकपा एसको पक्षमा सनाखत गराएकी हुन् ।

प्रदेशसभा सदस्य ज्ञवाली नेकपा एसमा प्रवेश गरेसँगै वागमतीमा माधव कुमार नेपाल नेतृत्वको पार्टीमा १३ जना सांसद पुगेका छन् । यसअघि १२ सांसदले नेकपा एसको पक्षमा सनाखत गराएका थिए ।

वागमतीमा एमालेबाट ५६ जना सांसद निर्वाचित भएका थिए । यससँगै एमालेले प्रदेशसभामा बहुमतस गुमाएको छ ।