काठमाडौं । अमेरिकी सहयोग नियोग मिलेनियम च्यालेन्ज कर्पाेरेसन (एमसीसी)का उपाध्यक्ष फातिमा सुमार र सहायक उपाध्यक्ष जोनाथन ब्रुक्स काठमाडौं आईपुगेका छन् । उनीहरु कतार एयरको विमानबाट काठमाडौँ अवतरण गरेका हुन् ।

केही बेर अगाडि मात्रै काठमाडौंको अन्तराष्टिय विमानस्थलमा अवतरण गरेका उनीहरुको सुरक्षाका लागि सरकारले विशेष सुरक्षा ब्यवस्था मिलाएको छ । नेपालभित्र एमसीसीको चर्काे विरोध भईरहेको सन्दर्भलाई हेरेर सरकारले सुरक्षा ब्यवस्था कडा बनाएको हो ।

नेपालको चारदिने भ्रमणका लागि उनीहरु काठमाडौं आईपुगेका हुन् । काठमाडौं आउनुअघि बुधबार उपाध्यक्ष सुमारले एमसीसीबारे नेपाली जनस्तरमा उठेको प्रश्नसहित सरकारले पठाएको पत्रको अमेरिकी दूतावासमार्फत जवाफ पठाएकी थिइन् ।

नेपाल आईपुगेका उपाध्यक्ष सुमार नक्सालस्थित मेरियट होटलमा बस्ने बताईएको छ ।

उनको कमलादीस्थित अमेरिकी राजदुतको निवासमा लन्च गर्ने कार्यक्रम छ । त्यसपछि भने उनले आजैबाट राजनीतिक भेटघाट शुरु गर्ने कार्यक्रम रहेको दुतावास स्रोतले जनाएको छ । उनले पहिलाे भेट प्रमुख प्रतिपक्षी दलका नेता केपी ओलीबाट शुरु गर्ने तयारी गरेका छन् ।
ओली भेटन उनी भक्तपुर बालकोटस्थित ओलीकै निवासमा दिउँसो पुग्नेछन् ।

ओलीसँगको भेटपछि उनी एक एण्ड यति होटलमा जाने र त्यहाँ रहेको एमसीसी नेपालको कार्यालयमा पुगी केही कार्यक्रममा सहभागी हुने कार्यक्रम उनको छ । त्यसपछि भने उनले प्रधानमन्त्री शेरवहादुर देउवासँग भेटघाट गर्ने कार्यक्रम रहेको बताईएको छ ।

उनले भोलि माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष माधव नेपाल, जनता समाजवादी पार्टीका संघीय परिषद्का अध्यक्ष डा बाबुराम भटटराई लगायतका नेताहरुसँग भेटघाट गर्ने कार्यक्रम रहेको छ ।