काठमाडौं । नेकपा एमाले निकट युवाहरुले शुक्रबार बेलुका काठमाडौंमा गरेको प्रदर्शनका क्रममा झडप भएको छ ।

दार्चुलाको तुइन प्रकरण लगायतका घटनाकाबारेमा सरकारलाई दबाब दिन युवा संघले काठमाडौंको बानेश्वरमा टर्च बालेर प्रदर्शन गरेको थियो ।

युवा संघले गरेको प्रदर्शनमा झडप हुँदा एक महिला प्रहरीसहित ६ प्रदर्शनकारी घाइते भएका छन् । युवाहरुले प्रहरीलाई ताकेर इँटा तथा ढुंगा बर्साएपछि प्रहरी र प्रदर्शनकारीबीच झडप भएको हो ।

झडपपछि बानेश्वर क्षेत्र तनावग्रस्त बनेको छ ।

तस्वीर :जुली गिरी