काठमाडौं । सरकारले कक्षा १२ सम्मको विद्यार्थीलाई ‘पढ्दै कमाउँदै कार्यक्रम’ शुरु गर्ने भएको छ ।

प्रधानमन्त्री शेरबहादुर देउवा नेतृत्वको सरकारले शुक्रबार प्रतिनिधिसभामा पेश गरेको प्रतिस्थापन विधेयकमा प्राविधिक विधामा अध्ययन गर्ने कक्षा १२ सम्मका विद्यार्थीलाई ‘पढ्दै कमाउँदै कार्यक्रम’ अघि सार्ने उल्लेख गरेको छ ।

यो कार्यक्रम सबै प्रदेशका केही विद्यालयमा नमुनाका रुपमा शुरुवात गर्ने विधेयकका उल्लेख छ ।

विश्वविद्यालयहरुलाई पूर्वाधार विकाससहित अनुसन्धान केन्द्रको रुप्मा विकास गर्नुका साथै मुलुकको सबैभन्दा पुरानो त्रिचन्द्र कलेज र घण्टाघरलाई ऐतिहासिक महत्व झल्किने गरी पुरानै ढाँचामा पुनःनिर्माण गर्ने प्रबन्ध गरिने पनि प्रतिस्थापन विधेयकमा उल्लेख गरिएको छ ।

साथै शिक्षकहरुको स्वास्थ्य उपचारका लागि छुट्टै अस्पताल निर्माण गर्न अध्ययन गर्ने पनि सरकारले घोषणा गरेको छ ।

याे पनि पढ्नुस्ः

देउवा सरकारले ल्याएकाे प्रतिस्थापन विधेयककाे पूर्णपाठ