काठमाडौं । अमेरिकी सहायता परियोजना मिलेनियम च्यालेन्ज कर्पोरेशन (एमसीसी) विरुद्ध राजधानीमा शनिवार पनि प्रदर्शन भएको छ ।
काठमाडौं लगायत विभिन्न जिल्लाहरुमा एमसीसीविरुद्ध प्रदर्शन जारी रहेको छ ।

एमसीसीविरुद्ध काठमाडौंको बानेश्वरमा शनिवार भएको प्रदर्शनका क्रममा प्रहरी र प्रदर्शनकारीबीच झडप भएको थियो । राजनीतिक तथा गैरराजनीतिक संस्थाहरुले एमसीसीविरुद्ध आन्दोलन गर्दै आएका छन् ।

भाडावाला सरोकार समाजको अगुवाई भएको प्रदर्शनमा सहभागी युवाहरुलाई प्रहरीले नाङ्गै पारेर कुटपिट गरेको थियो । प्रदर्शनका क्रममा प्रहरीले केही प्रदर्शनकारीलाई प्रहरीले पक्राउ समेत गरेको छ ।

उता, शनिबार साँझ ललितपुरमा एमसीसीविरुद्ध मशाल जुलुस प्रदर्शन भएको छ । मोहन वैद्य नेतृत्वको नेकपा क्रान्तिकारी माओवादीले पाटन क्षेत्रमा मशाल जुलुस निकालेको थियो ।