काठमाडौं । भारतबाट निजी क्षेत्रको कार्गो रेल बुधबार नेपाल आइपुगेको छ । नेपाल–भारत रेल सेवा सुरुआतको १७ वर्षपछि पहिलोपटक भारतको निजी रेल सुख्खा बन्दरगाहसम्म आएको हो ।

भारतको हिन्द टर्मिनल निजी कम्पनीको रेल २० फिट अग्लो ९० वटा कन्टेनर बोकेर आज १० बजे विरगञ्ज सुख्खा बन्दरगाह आइपुगेको छ । सन् २०२१ को जुलाईमा नेपाल र भारत सरकारबीचको सहमतिअनुसार भारतीय निजी रेल कम्पनीले नेपालमा सेवा सञ्चालन गर्न पाएका हुन् । सम्झौता भएको २ महिना ६ दिनपछि निजी रेल नेपाल आएको जनाइएको छ ।

नेपाल सरकार र भारत सरकारबीच २०६१ सालमा रेल सेवा सम्झौता भएको थियो । उक्त सम्झौता अनुसार भारत सरकारको स्वामित्वमा रहेको कम्पनीले मात्रै नेपालमा रेल सेवा दिँदै आएको थियो ।