काठमाडौँ । बुटवल उपमहानगरपालिकाका मेयर शिवराज सुवेदीलाई मुक्का प्रहार गर्ने युवक पक्राउ परेका छन् । उनलाई सोमबार साँझ प्रहरीले पक्राउ गरेको हो ।

सोमबार बिहान बुटवलको ज्योतिनगरमा पहिरो निरीक्षण गर्न गएका मेयर सुवेदीमाथि मुक्का प्रहार गर्ने गणेश पंगेनीलाई पक्राउ गरिएको हो । पहिरो प्रभावित ज्योति नगरकै बासिन्दा पंगेनी अनेरास्ववियू रुपन्देही जिल्ला कमिटी सदस्य हुन् ।

उनलाई दुर्व्यवहार वा शान्ति सुरक्षासम्बन्धी मुद्दा लगाउने तयारी भइरहेको बताइएको छ । घटनाको बारेमा थप अनुसन्धान भइरहेको जनाइएको छ ।