काठमाडौँ । पाकिस्तानी राष्ट्रिय क्रिकेट टोलीका पूर्व कप्तान साहिद अफ्रिदी काठमाडौँ आइपुगेका छन् । एभरेस्ट प्रिमियर लिग प्रतियोगिताका लागि खेल्न बिहीबार काठमाडौं आइपुगेका हुन् । उनी बिहीबार दिउँसो ४ बजे त्रिभुवन अन्तर्राष्ट्रिय विमानस्थलमा अवतरण गरेका थिए ।

शनिबार सुरु हुनेलिगको चौथो सिजनअन्तर्गत अफ्रिदी काठमाडौँ किंस ११ बाट त्रिभुवन खेल मैदानमा खेल्ने छन् । नेपाली लेग स्पिनर सन्दीप लामिछाने आबद्ध उक्त टोलीमा उनले ललितपुर प्याट्रियोट्सविरुद्ध पहिलो खेल खेल्ने छन् ।

सन्दीपको नेतृत्वमा किंस ११ बाट अफ्रिदीसहित नेपाली खेलाडी अमित श्रेष्ठ, सुवास खकुरेल, शेर मल्ल, सिद्धार्थ लोहनी, मोहम्मद साम्सद शेख, दीपेन्द्र ऐरी, जितेन्द्र मुखिया, अशोक चन्द, अमर सिंह रौतेला र गुल्सान झासमेत सहभागी हुने छन् ।