काठमाडौं । नेपाली कांग्रेस निर्वाचन समितिले विवादित पाँच जिल्लाको क्रियाशील सदस्यता सूची शनिवार सार्वजनिक गरेको छ । जसमा महोत्तरी, सिराहा, बाँके, सुर्खेत र डोल्पाको क्रियाशील सदस्ता नामावली सार्वजनिक रहेका थिए ।

तर डोल्पामा मात्र मात्र निर्वाचन अधिकृत तोकेको छ । केन्द्रीय निर्वाचन समिति डोल्पाका लागि चन्द्रप्रसाद लुइँटेल अधिकृतको रूपमा चयन गरेको छ ।

समितिका सचिव जगन्नाथ श्रेष्ठले अधिकृत लुइँटेल अधिवेशनका लागि आवश्यक सामाग्री केन्द्रीय निर्वाचन समितिबाट बुझेर डोल्पा जिल्ला हिडिसकेका बताए । उनका अनुसार अन्य चार जिल्लाका लागि तत्काल निर्वाचन अधिकृत नतोक्ने उनले जानकारी दिए ।

उनका अनुसार थप आठ जिल्लाको क्रियाशील सूची प्राप्त भएपछि मात्र सबै जिल्ला निर्वाचन अधिकृत तोक्ने निर्वाचन समितिले तयारी छ ।

क्रियाशील विवाद समाधान समिति कार्यदलका सदस्य योगेन्द्र चौधरीले आज कैलालीको सदस्यता सार्वजनिक गर्ने तयारी रहेको जानकारी दिए ।
गत असोज ३ गते नै विवाद समाधन गरेको सूची सार्वजनिक गरेको थियो भने छिटै नामावली सार्वजनिक गर्ने बताएको थियो ।

भोलीसम्ममा प्रदेश २ का क्रियाशील सदस्यता सूची सावैजिनक गरिने निर्वाचन समितिले जनाएको छ । हालसम्म ६९ जिल्लाको क्रियाशील सदस्यता सार्वजनिक भइसकेको छ । स