सिरहा । पूर्व–पश्चिम राजमार्गअन्तर्गत सिरहाको गोलबजार नजिक ट्रकको ठक्करबाट दुई जनाको मृत्यु भएको छ ।

गोलबजार नगरपालिका– ३ स्थित गागनखोला पुलमा ट्रकले मोटरसाइकललाई ठक्कर दिँदा दुई जनाको मृत्यु भएको हो ।

पश्चिमबाट पूर्वतर्फ जादँैगरेको ना ६ ख १३१ नम्बरको ट्रकले पश्चिम आउँदै गरेको स ७ प ९१८५ नम्बरको मोटरसाइकललाई आइतबार विहान ठक्कर दिँदा सप्तरी कञ्चनपुर नगरपालिका ७ का ३०वर्षीय अभिषेक कटुवाल र ३७ वर्षका अच्यूत लुँइटेलको मृत्यु भएको प्रहरीले जनाएको छ ।

ट्रकको ठक्करबाट गम्भीर घाइते कटुवालको लहानस्थित रामकुमार उमाप्रसाद स्मारक अस्पताल र लुँइटेलको बिराटनगरमा मृत्यु भएको इलाका प्रहरी कार्यालय गोलबजारले जनाएको छ ।

ठक्कर दिने ट्रक र चालक प्रहरी नियन्त्रणमा रहेको प्रहरी निरीक्षक सन्तोष राइले जानकारी दिए ।