काठमाडौं । काठमाडौंमा जारी एभरेष्ट प्रिमियर लिग (ईपीएल) टी–ट्वान्टी क्रिकेट अन्तर्गत आइतबारको दोस्रो खेल वर्षाका कारण प्रभावित भएपछि पोखरा राइनोज र भैरहवा ग्लाडीयटर्सले अंक बाँडेका छन् ।

पोखरा र भैराहवाको खेल भइरहँदा एक्कासी वर्षा भएपछि खेल स्थगित भएको थियो । खेल नतिजा विहीन भएपछि दुबै टोलीले एक–एक अंक बाँडेका छन् ।

टस जितेर पहिले ब्याटिङ थालेको पोखराले पोखराले १० दशमलव १ ओभर खेलेपछि खेल स्थगित गरिएको थियो । १० ओभर १ बल खेल्दा पोखराले ७ विकेट गुमाएर ६५ रन बनाएको थियो ।

आइतबार नै विहान भएको खेलमा चितवन टाइगर्सले विराटनगर वारियर्सलाई २ विकेटले पराजित गरेको थियो ।