काठमाडौँ । इलामको फाकफोकथुम र देउमाई बीचको मैदाने खोलाले बगाउँदा एक बालिकाको मृत्यु भएको छ ।

देउमाई १ चमैता मामली घरमा बसेर पढ्दै आएकी ९ वर्षीया सागरिका राईको मृत्यु भएको हो । फाकफोकथुम गाउँपालिका ६ स्थित फलाँटे माविमा कक्षा ४ मा अध्ययनरत उनी सोमबार विद्यालयबाट फिर्किँदै गर्दा खोलाले बगाएको थियो ।

भाइबहिनीलाई खोलाबाट तारेर आफू तर्ने क्रममा बढेर आएको खोलाले राईलाई बगाएर बेपत्ता बनाएपछि खोजतलास गर्दा ढुंगामा च्यापिएको अवस्थामा शव फेला पारिएको जिल्ला प्रहरी कार्यालयले जनाएको छ ।

उनको शव आज पोष्मार्टमका लागि जिल्ला अस्पताल ल्याइएको छ ।