धनुषा । धनुषामा मोटरसाइकल दुर्घटना हुँदा बुधबार तीन युवकको मृत्यु भएको छ ।

धनुषाको औरहीबाट जनकपुरधामतर्फ आउँदै गरेको ज ९ प १९८२ नम्बरको मोटरसाइकल अनियन्त्रित भई पल्टिदा तीन जनाको घटनास्थलमै मृत्यु भएको धनुषाका प्रवक्ता प्रहरी नायव उपरीक्षक (डीएसपी) जितेन्द्र बस्नेतले जानकारी दिए ।

उक्त दुर्घटनामा परि मृत्यु हुनेमा जनकपुरधाम उपमहानगरपालिका वडा नम्बर ११ का २१ वर्षीय कुनालकुमार साहसहित तीन जना छन् । दुई जनाको भने सनाखत हुन बाँकी रहेको डीएसपी बस्नेतले बताए ।

तीव्र गतिका कारण मोटरसाइकल अनियन्त्रित भइ दुर्घटना भएको प्रहरीले जनाएको छ ।