काठमाडौं । नेकपा एमालेको शुक्रबारदेखि ललितपुरको गोदावरीमा चलिरहेको विधान महाधिवेशनअन्तर्गत दोस्रो दिन विभिन्न प्रतिवेदनमाथि समूहगत छलफल सकिएको छ ।

महाधिवेशनमा प्रस्तुत राजनीतिक प्रतिवेदन, सांगठनिक प्रतिवेदन र विधान संशोधन प्रस्तावमाथिको छलफल सकिएको हो ।

पहिलो दिन शुक्रबार अध्यक्ष केपी शर्मा ओलीले राजनीतिक प्रतिवेदन, महासचिव ईश्वर पोखरेलले सांगठनिक प्रतिवेदन र उपमहासचिव विष्णु पौडेलले विधान संशोधन प्रस्ताव पेश गरेका थिए ।

उक्त प्रस्तावमाथि छलफल गर्न विभिन्न १० समूह बनाइएको थियो । ती समूहमा तीन वटै प्रस्तावमाथि विहानदेखि समूहगत छलफल भएको थियो ।

छलफलमा आएका सुझावहरुलाई शनिवार नै टोली नेताले प्रस्तुत गर्नेछन् ।