काठमाडौं । छैठौं संस्करणको एनभीए क्लब भलिबल च्याम्पियनसीप प्रतियोगितामा महिलातर्फ न्यू डायमन्ड स्पोर्ट्स क्लब र पुरुषतर्फ त्रिभुवन आर्मी क्लबले उपाधि जितेका छन् ।

शनिबार त्रिपुरेश्वरस्थित राष्ट्रिय खेलकुद परिषदको कभर्डहलमा भएको फाइनल खेलमा विजेता बनेको न्यू डायमन्ड स्पोर्ट्स क्लबले विभागीय प्रतिद्वन्द्वी नेपाल एपीएफ क्लबलाई ३–१ सेटको नजितामा पराजित गरेको हो ।

निकै प्रतिस्पर्धात्मक बनेको खेलमा न्यू डायमन्डले दोस्रो सेट २५–२१, तेस्रो सेट २५–१७ र चौथो सेटमा २५–१७ को जीतको नतिजा निकालेको थियो ।

पहिलो सेट गुमाएको न्यू डायमन्डले लगातार तीन सेट जित्दै उपाधि हात पा¥यो । न्यू डायमन्डले उपाधिसँगै चार लाख रूपैयाँ नगद पुरस्कार पाएकोछ ।

यस्तै, उपविजेता एपीएफले दुई तथा तेस्रो हुने त्रिभुवन आर्मी क्लबले एक लाख रूपैयाँ प्राप्त गरेको छ ।

यस च्याम्पियनसिपबाट पुरुषतर्फ ७ र महिलातर्फ ५ टोली चैतमा हुने लिगका लागि छनोट पनि भएका छन् ।