काठमाडौँ । एभरेष्ट प्रिमियर लिग (ईपीएल) क्रिकेटमा आज दुई खेल हुँदैछन् । कीर्तिपुर मैदानमा हुने पहिलो खेलमा बिहान साढे ९ बजेदेखि काठमाण्डौ किङ्ग्स इलाभेन र विराटनगर वारियर्सको खेल हुनेछ ।

काठमाण्डौँ दुई खेलमा दुई अंक जोडेर अंकतालिकाको पाँचौं स्थानमा छ । विराटनगर जित विहीन हुँदै प्रतियोगिताबाट बाहिरिसकेको छ ।

यस्तै दोस्रो खेलमा साविक विजेता ललितपुर प्याट्रीयट्स र चितवन टाइगर्स खेल्दैछन् । खेल दिउँसो साढे १ बजे सुरु हुनेछ । ललितपुरले चार खेल जित्दै चौथो स्थानमा छ । चितवन तीन खेलमा ६ अंक जोड्दै शीर्ष स्थानमा छ ।