काठमाडौ । मानववाद प्रबर्ध्दन तथा सँबर्धनमा समर्पित भै अघि बढिरहेको अन्तर्राष्ट्रीय सँस्था ह्युमानिष्ट इन्टरनेशनल बेलायतले नेपाली मानववादी अभियन्ता शान्ति गुरूङलाई इन्टरनेशनल ह्यूमानिष्ट एवार्ड (अन्तर्राष्ट्रीय मानववादी पुरस्कार),२०२१ प्रदान गरेको छ ।

शान्ति गुरूङ यस किसिमको अन्तर्राष्ट्रीय मानववादी पुरस्कार पाऊँने पहिलो नेपाली र पहिलो एशियाली महिला हुन् । यस अघि यस किसिमको पुरस्कार एशियाबाट भारतीय मानववादी अभियंता प्रा । नरेन्द्र नायकले प्राप्त गरेका थिए ।

नेपाली समाजमा विद्यमान अन्धविश्वास,कुरीति तथा कुसँस्कार विरूद्ध निष्ठापूर्वक गरेको कार्यको उच्च मूल्यांकन गरी पहिलो पटक एशियाली महिला शान्ति गुरूङलाई यो पुरस्कार प्रदान गरिएको कुरा उक्त सँस्थाले जनाएको छ ।

यस बर्ष सो पुरस्कार १५ अगस्त २०२१ मा स्कॉटलैंडमा प्रदान गर्ने कार्यक्रम भएपनि कोभिड-१९ को कारण नेपालमै प्रदान गरिएको कुरा बेलायतस्थित सँस्थाको प्रधान कार्यालयका मैनेजर जियोभान्नि गाएटेनीले जनाएका छन् ।