काठमाडौं । त्रिभुवन अन्तर्राष्ट्रिय विमानस्थलबाट एक जना रुसी नागरिकलाई प्रहरीले पक्राउ गरेको छ ।

फ्लाइ दुबईको फ्लाइटबाट काठमाडौंबाट सोमबार बिहान रुस जान लागेकी ५५ वर्षीया ज्लाता शेन्गरलाई प्रहरीले पक्राउ गरेको हो ।

उनले ल्याएको कालो रंगको लगेज विमानस्थलमा चेकिङ गर्दा एक्सरे मेसिनमा यार्चागुम्बा भेटिएपछि प्रहरीले पक्राउ गरेको हो ।

उनले रुस लैजान लागेको ९ सय ३० किलो यार्चागुम्बा प्रहरीले बरामद गरेको छ । यार्चागुम्बासहित पक्राउ परेकी रुसी महिलालाई प्रहरीले थप अनुसन्धान गर्न जिल्ला वन कार्यालय हात्तिसार काठमाडौं पठाएको छ ।