काठमाडौँ । इन्डियन प्रिमियर लिग आईपीएल क्रिकेटमा दिल्ली क्यापिटल्स अंकतालिकाको शीर्षस्थानमा पुगेको छ । दुबईमा गएराति भएको खेलमा चेन्नई सुपर किङ्ग्सलाई हराउँदै दिल्ली अंकतालिकाको शीर्षस्थानमा पुगेको हो ।

दिल्लीले चेन्नईलाई ३ विकेटले हराएको थियो । चेन्नईले दिएको १ सय ३७ रनको लक्ष्य दिल्लीले १९ ओभर ४ बलमा ७ विकेट गुमाएर पुरा गरेको थियो । पहिले ब्याटिङ गरेको चेन्नईले २० ओभरमा ५ विकेट गुमाएर १ सय ३६ रन बनाएको थियो ।

दिल्लीको जितमा शिखर धवनले ३९ रन तथा सिम्रन हिटमायरले अविजित २८ रन जोडे । चेन्नईका रविन्द्र जडेजा र शार्दुल ठाकुरले २र२ विकेट लिए । दिल्लीको १३ खेलमा २० अंक छ भने १८ अंक रहेको चेन्नई दोस्रो स्थानमा छ ।