काठमाडौं । नेपाली कांग्रेस नेतृत्वको पाँच सत्ता गठबन्धनले मंगलबार मन्त्रीको भागबण्डा टुंगो लगाएको छ ।

गठबन्धनमा रहेका सबै दललाई भागबण्डा मिलेपछि पार्टीबाट मन्त्रीको टुंगो लगाउन जनता समाजवादी पार्टी (जसपा) आन्तरिक छलफलमा जुटेको छ ।

मन्त्रीको भागबण्डा मिलेपछि मंगलबार जसपा संसदीय दलको बैठक बसेको थियो । संसदीय दलको बैठकमा मन्त्रीको टुंगो नलागेपछि बुधबार पार्टी कार्यकारी समितिको बैठक बोलाइएको छ ।

मंगलबार बसेको संसदीय दलको बैठकमा पार्टी सरकारमा कसरी प्रस्तुत हुने भन्नेबारे छलफल भएको जसपाले जनाएको छ ।

पार्टीबाट सरकारमा पठाउने मन्त्रीको टुंगो लगाउन बुधबार विहान ११ बजे जसपा केन्द्रीय कार्यकारी समितिको बैठक बालकुमारीमा बस्ने भएको छ । उक्त बैठकले मन्त्रीको नाम टुंगो लगाउने जनसपा नेता महेन्द्र राय यादवले जानकारी दिए ।

जसपालाई भौतिक पूर्धाधार तथा यातायात मन्त्रालय, संघीय मामिला तथा सामान्य प्रशासन, कृषि तथा पशुपंक्षी विकास र वन तथा वातावरण मन्त्रालय दिने सत्ता गठबन्धन दलहरुबीच सहमति जुटेको छ ।