काठमाडौँ । पछिल्लो एक दिनमा भारतमा १३ हजार ५८ जना थप कोरोना भाइरसका संक्रमित थपिएको स्वास्थ्य तथा परिवार कल्याण मन्त्रालयले जनाएको छ । मन्त्रालयका अनुसार यो संख्या २३१ दिनयताको सबैभन्दा कम हो ।

भारतमा अहिले संक्रमित अवस्थामै रहेकाको संख्या एक लाख ८३ हजार ११८ रहेको अधिकारीले जनाएका छन् । यो संख्या २२७ दिनयताको सबै भन्दा कम हो । हाल सक्रिय संक्रमित संख्या कूल संक्रमितको ०.५४ प्रतिशत मात्र रहेको प्राप्त समाचारमा जनाइएको छ ।

कोरोना भाइरसको महामारी शुरु भएयता हाल संक्रमण मुक्त दर ९८ः१४ प्रतिशत भएको मन्त्रालयले मंगलबार जनाइएको छ । स्वास्थ्य मन्त्रालयका अनुसार भारतमा ५९ करोड ३१ लाख व्यक्तिको कोरोना परीक्षण भएको छ ।

भारतमा गत जनवरी १६ बाट कोरोना भाइरसविरुद्ध खोप अभियान शुरु भएको थियो । सो समयदेखि हालसम्म ९८ करोड ६७ लाख डोज खोप लगाइएको पनि सो मन्त्रालय जनाएको छ ।