हुम्ला । तीन दिन यता परेको अविरल वर्षासँगै आएको पहिरोले घर पुरिँदा हुम्लाको खार्पुनाथ–५ खर्पेलगाउँमा एकै घरका ६ जना बेपत्ता भएका छन् । खर्पेलगाउँस्थित बिचदउडामा रहेको धनबिरे शाहीको घरमा पहिरो खसेको हो ।

पहिरो मंगलबार राती खसेको हो ।

पहिरोमा धनबिरेसँगै कलबहादुर शाही, आशा शाही र उनका ११ , ५ र ३ वर्षीय छोरा पुरिएका छन् ।

उद्दारका लागि अहिले प्रहरी टोली घटनास्थल पुग्दै गरेको जिल्ला प्रहरी कार्यालय हुम्लाका प्रहरी प्रमुख डीएसपी हेरम्भ शर्माले जानकारी दिएका छन् ।