कैलाली । बाढीपहिरोमा परी डोटीमा थप दुईजनाको मृत्यु भएको छ। जिल्लाकाे सायल गाउँपालिका–५ गुरेनाडमरीका ५५ वर्षीय हिरूवा विकको मृत्यु भएको छ। उनको मंगलबार बेलुकी पहिरोमा पुरिएर मृत्यु भएको हो। उनका छाेरा रमेश बिक र भतिजा भिम बिक घाईते भएका छन् । छाेरा रमेश भने गम्भिर घाइते रहेकाे बताइएकाे छ ।

त्यस्तै‚ मंगलबार नै छत्रेश्वर खोलाले बगाएर बेपता भएका सायल–१ का ७४ वर्षीय वीरे रोके मृत फेला परेका छन्। उनी घरदेखि १०० मिटर तल फेला परेका थिए। योसँगै डोटीमा बाढी पहिरोमा परी मृत्यु हुनेको संख्या ११ पुगेको छ।पहिरोले आदर्श गाउँपालिका–६ बगिना गाउँका २५ घरमा क्षति पुर्‍याएको छ ।