काठमाडौं । स्वास्थ्य कार्यालय काठमाडौंको प्रमुखमा शम्भु काफ्ले नियुक्त भएका छन् । स्वास्थ्य तथा जनसंख्या मन्त्रालयले दुई सातादेखि रिक्त प्रमुखको दरबन्दीमा काफ्लेलाई नियुक्त गरेको छ ।

यसअघि स्वास्थ्य कार्यालय काठमाडौंको प्रमुखमा बद्रीबहादुर खड्का थिए । खड्का वाग्मती स्वास्थ्य मन्त्रालयको सचिवमा नियुक्त भएपछि स्वास्थ्य कार्यालय काठमाडौं प्रमुखविहीन बनेको थियो ।

स्वास्थ्य कार्यालय काठमाडौंको प्रमुख बनेका काफ्ले यसअघि वागमती स्वास्थ्य निर्देशनालय हेटौँडामा कार्यरत थिए ।