कैलाली । सुदूरपश्चिम सरकारले शनिवारदेखि बाढीपहिरो प्रभावित क्षेत्रमा राहत बाँड्ने भएको छ ।

प्रदेशका सातै जिल्लामा शनिबारदेखि हेलिकोप्टरबाटै राहत सामग्री लिएर जाने प्रदेश सरकारकी प्रवक्ता तथा आन्तरिक मामिला तथा कानून मन्त्री पूर्णा जोशीले बताइन् ।

क्षतिको विवरण संकलन गरिसकेको बताउँदै उनले शनिबार बिहान राहत लिएर जान लागेको जानकारी दिइन् ।

एकद्वार प्रणालीबाट राहत वितरणका लागि मन्त्री जोशीले शुक्रबार प्रदेशमा कार्यरत गैरसरकारी संस्थाका प्रतिनिधिहरुसँग छलफल गरेकी थिइन् ।