काठमाडौँ । आज २०७८ साल कार्तिक महिनाको ६ गते शनिबार । राशिअनुसार यो साता कस्तो रहने छ ? प्रस्तुत छ, साप्ताहिक राशिफल ।

मेष
यस राशिका व्यक्तिहरुलाई यो साता औसत खालको रहने छ । पेशागत जीवनमा केही लाभ प्राप्त हुने छ भने आर्थिक अवस्थामा पनि केही सुधार आउने छ । बोलीमा नरमपना र शितलता वृद्धि हुँदा अरुको मन जित्न सकिने छ । स्वास्थ्य अवस्थामा भने केही गडबडीहरु देखिने छन् । यात्रामा कठिनाई भोग्नु पर्ने छ । परिवारमा पनि बेमेलको वतावरण बन्ने छ ।

वृष
यस राशिका व्यक्तिहरुलाई यो साता सकारात्मक रहने छ । आँटेका कामहरुमा प्रगति हुने छ । साथै नयाँ काम थालनी हुन जाने छ । पेशागत जीवनमा भने स–साना विषयले पनि तनाव र असमझदारीको वातावरण बनाउने भएकाले संयमित रहनु नै ठिक हुने छ । रिसको मात्रा बढ्ने भएकाले बादबिबादका क्रमहरु देखा पर्न जाने छ । दाम्पत्य जीवनमा मधुरता आउँदा खुशियाली छाउने छ ।

मिथुन
यस राशिका व्यक्तिहरुलाई यो साता अनुकुल खालको रहने छ । पेशागत जीवनमा थप जिम्मेबारी प्राप्त हुने र कदर प्राप्त हुने छ । आम्दानीमा गुणात्मक बृद्धि हुने छ । पैतृक सम्पत्तिको परिचालनमा परिवारमा ऐक्यमत उत्पन्न हुने छ । बोलीको प्रभाव बढ्ने हुँदा बोलेर खानु पर्ने पेशाका व्यक्तिहरुलाई लाभ मिल्ने छ । मनमा उत्पन्न हुने दुविधाका कारण निर्णय प्रकृयामा केही ढिलाई भने हुन जाने छ ।

कर्कट
यस राशिका व्यक्तिहरुलाई यो साता चुनौतिपूर्ण देखिन्छ । पेशागत जीवनमा उतार चढावको अवस्था आउँदा अधैर्यता र जोखिम उत्पन्न हुने छ । मनमा निराशाका क्रमहरु देखा पर्ने छन् । मनोबलमा पनि केही गिरावट आउने भएकाले अरुको हेपाईमा जुध्न तागत कम प्राप्त हुने छ । परिवारमा किचलो हुँदा समाजमा अपमानको अवस्था आउने छ । दाम्पत्य जीवनमा भने मधुरता कायम रहने छ ।

सिंह
यस राशिका व्यक्तिहरुलाई यो साता औसत खालको रहने छ । पेशागत जीवन जे जस्तो चलिरहेको हो त्यस्तै चल्ने छ । अर्थात न शुभ वा न अशुभको अवस्था रहने छ । परिवारमा मिलन हुने छ । विगतमा भएका निर्णयहरुले केही सकारात्मक प्रतिफल दिन थाल्ने छ । समाजबाट मान सम्मान र कदर पाइने समय सक्रिय छ । आर्थिक जीवन भने धेरै सहज नभए पनि प्रतिकुल पनि रहने छैन् ।

कन्या
यस राशिका व्यक्तिहरुलाई यो साता धेरै शुभ रहने देखिँदैन् । धन सम्पत्तिमा नोक्सानी व्योहर्नु पर्ने छ । आम्दानीमा गिरावट आउँदा आर्थिक दबाबले परिवारमा तनाव उत्पन्न गरिदिने छ । बोलीको प्रभाव घट्ने छ । प्रेममा भने सफलता मिल्ने छ । नयाँ ठाउँको यात्रामा निस्कन मिल्ने छ । प्राकृतिक प्रकोपको जोखिमबाट जोगिनु होला ।

तुला
यस राशिका व्यक्तिहरुलाई यो साता सकारात्मक रहने छ । आँटेका कुराहरु सकारात्मक रुपमा अघि बढ्ने छन् । दृढताले भरिएको व्यक्तित्व हुने छ । परिवारको साथले उन्नति प्रगतिमा मद्धत मिल्ने छ । जीवनसाथिले गर्ने मनोवैज्ञानिक साथ र समर्थले आँट र भरोषा प्राप्त हुने छ । पेशागत जीवनमा सन्तोष मिल्ने छ । आर्थिक जीवन पनि सन्तुलित नै रहने छ ।

वृश्चिक
यस राशिका व्यक्तिहरुलाई यो साता कठिन रहने देखिन्छ । भाग्यहिनताका कारण चालिएका कदमहरु अपुरो रहने छन् । अपजस र अपमान सहनु पर्ने तथा गरेका कामहरुको उचित मुल्यांकन नहुँदा मनमा खिन्नताले सताउने छ । सामाजिक रुपमा आलोचना गर्नेहरु बढि देखिने छन् । आफन्तबाटै धोका हुने चुनौति रहेकाले सतर्कता आवश्यक देखिन्छ । बौद्धिक क्षेत्रमा मन लागे तापनि व्यावहारमा लम्कन कठिनाई हुने छ ।

धनु
यस राशिका व्यक्तिहरुलाई यो साता प्रतिकुलताबाट गुज्रनु पर्ने देखिन्छ । अड्डा अदालत तथा प्रशासनिक झमेलामा धाउनु पर्ने जोखिम देखिन्छ । समाजले गलत कार्य मानिएका विषयमा सँलग्न हुन अनावश्यक आँट आउने छ, जसले गर्दा झमेलाहरु व्योहर्नु पर्ने छ । परिवारमा पनि समस्याका क्रमहरु देखा पर्ने छन् । पेशागत जीवनमा सन्तोष मिल्ने छैन् । आर्थिक दबाब सृजना हुने छ ।

मकर
यस राशिका व्यक्तिहरुलाई यो साता केही सकारात्मक दिशामा रहने छ । आर्थिक रुपमा कमाई बढ्ने छ । समाजमा प्रभाव पढ्ने छ । पेशागत जीवनमा सोचे अनुसार बृद्धि नभए पनि अशुभ पनि हुने छैन् । विदेश यात्राको अवसर जुट्ने छ । परिवारको आड र भरोषाले गर्दा दृढता उत्पन्न हुने छ । मनमा भने दुविधाका क्रम देखा पर्ने छ । बौद्धिक क्षेत्रमा उन्नति र प्रगति हुने छ ।

कुम्भ
यस राशिका व्यक्तिहरुलाई यो साता औसत खालको रहने छ । पेशागत जीवनमा स्थिरता कायम हुने छ भने आम्दानीमा पनि केही बृद्धि देखा पर्ने छ । प्रतिष्पर्धात्मक क्षमता हुने छ । जीवनसाथिको साथ वा सल्लाहमा काम गरेमा जोखिमहरु कम हुन जाने छन् । साथिहरुसँग भने द्वन्दात्मक वातावरण बन्ने जोखिम देखिएकाले सजग रहनु होला । यात्राको अवस्था आउने छ ।

मीन
यस राशिका व्यक्तिहरुलाई यो साता हल्का अनुकुल रहने छ । आर्थिक व्यवस्थापनमा सहजता आउने छ । सन्तान सुख प्राप्त हुने छ । पेशागत जीवनमा औसत वातावरण रहने छ । व्यक्तित्व चलाख खालको हुनेछ । अध्ययन र अध्यापनमा रुचि बढ्ने छ । प्रतिष्पर्धात्मक क्षमतामा क्षमतामा ह्रास आउँदा मनमा लघुताभाषको क्रम देखिने छ । प्रेममा धोकाको स्थिति आउने देखिन्छ ।

(ज्योतिषी दिवाकर पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)