काठमाडौं । नेपालमा थप ५१३ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा ६ हजार ९ सय ३१ जनाको कोरोना परीक्षण गर्दा थप ५१३ जनामा संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

यस्तै, काठमाडौं उपत्यकामा मात्रै पछिल्लो २४ घण्टाको अवधिमा २१३ संक्रमित थपिएका छन् ।

मन्त्रालयकाअनुसार, काठमाडौंमा १५०, ललितपुरमा ३९ र भक्तपुरमा २४ संक्रमित थपिएका हुन् ।

काठमाडौं उपत्यकामा २ हजार ४ सय ५९ सक्रिय संक्रमितसहित देशभर हाल १० हजार ५५९ जना सक्रिय संक्रमित रहेको मन्त्रालयले जनाएको छ ।

यस्तै, पछिल्लो २४ घण्टामा कोरोना भाइरसको संक्रमणबाट ८ जनाको मृत्यु भएको छ । योसँगै मृत्यु हुनेको संख्या ११ हजार ३४५ पुगेको छ ।
सोही अवधिमा देशभरबाट ८१७ जना कोरोनमुक्त भएको पनि मन्त्रालयले जनाएको छ ।