काठमाडौँ । धनुषा र सर्लाहीका प्रहरी प्रमुख प्रहरी उपरिक्षक (एसपी) को काज सरुवा भएको छ ।

धनुषाका एसपी प्रकाश रानाभाटलाई प्रहरी प्रधान कार्यालयमा सरुवा गरिएको छ भने सर्लाहीका प्रहरी प्रमुख सन्तोष सिंह राठौरलाई प्रहरी प्रशिक्षण प्रतिष्ठानमा सरुवा गरिएको हो ।

प्रदेश प्रहरी कार्यालय प्रदेश २का अनुसार धनुषामा रानाभाटको ठाउँमा एसपी बसन्त रजौरे र सर्लाहीमा राठौरको ठाउँमा एसपी कृष्ण प्रसाइँ आउने छन् ।

प्रदेश २स्थित एक कर्मचारीलाई सिके राउत नेतृत्वको जनमत पार्टीका कार्यकर्ताले अर्धनग्न बनाइ बजार घुमाउँदा पनि प्रहरी मुकदर्शक भनेको भन्दै आलोचना भएको थियो ।

एसपी राठौरले समेत सार्वजनिक स्थलमा नै जुवा तास खेलेको भिडियो सार्वजनिक भएको थियो । नेकपा (माओवादी केन्द्र)का अध्यक्ष पुष्पकमल दहाल ‘प्रचण्ड’को पुर्व सुरक्षा गार्ड समेत रहेका राठौर पहिलादेखि नै विवादित छविका प्रहरी अधिकारीका रुपमा परिचित छन् । सोही आलोचना पछि दुवै प्रहरी प्रमुखको सरुवा गरीएको हो ।