काठमाडौं । संरक्षित वन्यजन्तु गैंडाको खागसहित दुई जना पक्राउ परेका छन् ।

महानगरीय अपराध महाशाखाले गत शुक्रबार खागसहित सोलुखुम्बु दुधकोशी घर भई काठमाडौंको स्वयम्भू बस्ने १९ वर्षीय तिलकबहादुर बस्नेत र बाग्लुङ तमनखोला घर भई तार्केश्वर नगरपालिका बस्ने २८ वर्षीय दीपक गोतामेलाई पक्राउ गरेको हो ।

उनीहरूलाई महाशाखाले काठमाडौं महानगर९९ गैरीगाँउबाट पक्राउ गरेको हो । प्रहरीले गैंडाको ९ सय ७० ग्रामको एउटा सिंह बरामद गरेको छ ।

थप अनुसन्धानको लागि उनीहरूलाई आइतबार जिल्ला वन कार्यालय हात्तीसार पठाइएको छ ।