काठमाडौँ । अमेरिकाले नेपाललाई अनुदानमा दिएको १ लाख ६२० डोज कोरोनाविरुद्धको खोप नेपाल आइपुग्दै छ । अमेरिकाले अनुदानमा उपलब्ध गराएको फाइजर खोप आज नेपाल पुग्न लागेको हो ।

फाइजर खोप १२ वर्षभन्दा माथिका उमेर समूहमा प्रभावकारी हुने अमेरिकाको सेन्टर फर डिजिज कन्ट्रोलले जनाएको छ । यो खोप एक महिनाको अवधिमा दुई डोज लगाए ९५ प्रतिशत प्रभावकारी हुने अनुसन्धानले देखाएको छ । खोप थोरै मात्रामा आएकाले स्वास्थ्य मन्त्रालयले दीर्घ रोगीलाई लगाउने बताएको छ ।

अमेरिकाबाट आगामी पुसमा थप ६० लाख डोज फाइजर खोप ल्याएर बालबालिकालाई लगाउने सरकारले तयारी गरेको छ ।