काठमाडौं । चिकित्सा शिक्षा सुधारको पक्षमा आन्दोलन गर्दै आएका बरिष्ठ चिकित्सक डा. गोविन्द केसीले प्रधानन्यायाधीश चोलेन्द्रशम्शेर जबराको राजीनामा माग गरेका छन् ।

केसीले सोमवार विज्ञप्ति जारी गर्दै प्रधानन्यायाधीस राणाको राजीनामा मागेका हुन् ।

प्रधानन्यायाधीश राणाकै कारण न्यायालय बदनाम भएको डा. केसीको तर्क छ । ‘न्यायालयको स्वतन्त्रता र स्वच्छताको रक्षाको लागि तत्काल उहाँको राजीनामको माग गर्दछौं ।’– डा.केसीले जारी गरेको विज्ञप्तिमा भनिएको छ ।

राणाको पदीय हैसियतको अवज्ञा गर्न सरोकारवालालाई उनले अपिलसमेत गरेका छन् ।

सोमवार मात्रै सर्वोच्च अदालतका १४ जना न्यायाधीसहरुको बैठकले प्रधानन्यायाधीसलाई राजीनामा दिएर मार्ग प्रशस्त गर्न माग गर्ने निर्णय गरेको छ ।

कानून ब्यवसायीहरुको छाता संगठन नेपाल बार एशोसियसनले पनि प्रधानन्यायाधीसलाई न्यायालयका विकृति विसंगति सुधार्न माग गर्दै आएका छन् ।

सोमवार नै प्रधानान्यायाधीश राणाले बारसहित अदालतको फूलकोर्ट बैठक डाकेका थिए ।